Villë 140m² + 40m² për #SHITJE në Brezovicë

Ofrohet për shitje villa me sipërfaqe 140m² dhe tarracë me sipërfaqe 40m², me lokacion në Brezovicë, Shtërpcë, afër Hotel Rock.

Villa ka orientim nga të gjitha anët që ofron ndriçim natyral gjatë gjithë ditës, ofrohet në bodrum, përdhes dhe një kat me këtë renditje të hapësirave të brendshme; qëndrim ditor, kuzhinë, dy dhoma gjumi me mundësi edhe për një dhomë apo saunë, dy banjo, koridor në parahyrje, koridor në katin e parë me hapësirë për librari dhe tarracë.

Sistemin e ngrohjes e ka të mundësuar me dru dhe ofron hapësirë të mjaftueshme për vendparkim.

Villa është e rrethuar me ambient të gjelbëruar dhe zonën e mbrojtur të Parkut Ndërkombëtar, është e shtrirë në truall me sipërfaqe 2.5 Ari dhe gjindet rreth 5 km nga Qendra e Skijimit.

Trualli dhe villa janë të pajisura me fletë poseduese, villa ka leje ndërtimi ndërsa vlen të ceket që dhe sipërfaqja e tarracës ka leje ndërtimi që i ofron villës mundësi zgjerimi.

Villa gjendet në lartësi mbidetare prej 1200m ku ajri është jashtëzakonisht i pastër, pamja mahnitëse në çdo pjesë dhe malet që rrethojnë hapësirën bëjnë që kjo villë të jetë hapësira më e volitshme për pushime apo edhe qëndrime më të gjata.

Brezovica është një ndër lokacionet më të zhvilluara në aspektin turistik, duke e bërë këtë vend një ndër destinacionet më të vlefshme për investim.